09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Իրավիճակը շատ ռիսկային է․ Զելենսկին՝ Զապորոժիեի ԱԷԿ-ի մասին
Քաղաքականություն
27.08.2022 | 11:39
Զապորոժիեի ատոմային էլեկտրակայանը հաջողվել է միացնել ցանցին, սակայն Եվրոպայում խոշորագույն ատոմակայանը աղետի եզրին է: Այս մասին օգոստոսի 26-ին տեսաուղերձի ժամանակ հայտարարել է ՌԴ նախագահ Վլադիմիր Զելենսկին։
«Ուզում եմ ընդգծել, որ իրավիճակը շարունակում է մնալ շատ ռիսկային և վտանգավոր։ Երեկվա իրադարձությունների ցանկացած կրկնություն, այսինքն՝ կայանի ցանկացած անջատում ցանցից, ցանկացած գործողություն Ռուսաստանի կողմից, որը կարող է հրահրել ռեակտորների անջատում, կայանը կրկին աղետի եզրին կդնի»,- ասել է Զելենսկին։
Երկրի ղեկավարն ընդգծել է, որ ՄԱԳԱՏԷ-ի առաքելությունը պետք է հնարավորինս շուտ ժամանի կայան և օգնի ատոմակայանը մշտական հիմունքներով պահել Ուկրաինայի վերահսկողության տակ։
Հիշեցնենք, որ օգոստոսի 25-ին Զապորոժիեի ԱԷԿ-ը պատմության մեջ առաջին անգամ ամբողջությամբ անջատվել է էլեկտրացանցից։ Կայանը այս վիճակում է մնացել մինչև օգոստոսի 26-ի կեսօր։
Նախօրեին՝ կեսօրին, ցանցին միացվել է վեց էներգաբլոկներից առաջինը, երեկոյան հաջողվել է միացնել ևս մեկը:
