16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Լուկաշենկոն հայտարարել է բելառուսական ինքնաթիռները միջուկային զենք կրելու համար վերաձևափոխելու մասին
Քաղաքականություն
26.08.2022 | 21:31
Բելառուսի ղեկավար Ալեքսանդր Լուկաշենկոն հայտարարել է, որ միջուկային զենք կրելու համար բելառուսական ինքնաթիռների վերազինումն ավարտվել է: Այս մասին հայտնում է VOA-ն։
«Նրանք պետք է հասկանան, որ ոչ մի ուղղաթիռ, ոչ մի ինքնաթիռ, եթե գնան էսկալացիայի, չի փրկի իրենց: Մի անգամ Պուտինի հետ Սանկտ Պետերբուրգում ասացինք, որ կվերափոխենք նաև բելառուսական Սու-24 ինքնաթիռները, որպեսզի դրանք կարողանան միջուկային զենք կրել: Ինչ եք կարծում՝ մենք մեր լեզվի՞ն էինք զոռ տալիս։ Ամեն ինչ պատրաստ է»,- հայտարարել է Լուկաշենկոն։
Գործակալության տվյալներով՝ Լուկաշենկոն հավելել է, որ Բելառուսը պատրաստ է համարժեք արձագանքել Արևմուտքի սպառնալիքներին։
Ավելի վաղ նա հայտարարել էր, որ խնդրել է Ռուսաստանին օգնել արդիականացնել ինքնաթիռները, որպեսզի նրանք կարողանան միջուկային մարտագլխիկներ կրել, հաղորդում են ԶԼՄ-ները:
Պուտինն ու Լուկաշենկոն բանակցություններ են վարել հունիսի 25-ին Սանկտ Պետերբուրգում։ Ռուսաստանի ղեկավարն ասել է, որ Մոսկվան «Իսկանդեր-Մ» համալիրները կփոխանցի Մինսկին և առաջարկել է վերազինել բելառուսական բանակին սպասարկող Սու-25-երը։
Տաթև Ֆռանգյան
