17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Կայացել է Թուրքիայի, Շվեդիայի և Ֆինլանդիայի պատվիրակությունների հանդիպումը ՆԱՏՕ-ին անդամակցելու վերաբերյալ
Քաղաքականություն
26.08.2022 | 19:10
Ֆինլանդիայի Վանտաա քաղաքի արվարձաններից մեկում ավարտվել է Թուրքիայի, Շվեդիայի և Ֆինլանդիայի պատվիրակությունների հանդիպումը՝ ՆԱՏՕ-ին սկանդինավյան երկու երկրների անդամակցության հարցով։ Փորձագիտական մակարդակով քննարկումները կշարունակվեն աշնանը։ Այս մասին հայտնում է Ֆինլանդիայի կառավարությունը։
Այս տարվա հունիսին Մադրիդում ստորագրված եռակողմ հուշագրում Թուրքիան, Ֆինլանդիան և Շվեդիան պայմանավորվել են ստեղծել մշտական համատեղ մեխանիզմ՝ վերահսկելու հուշագրի կատարումը և ընդլայնելու համագործակցությունը ընդհանուր անվտանգության ոլորտում։ Օգոստոսի 26-ին Ֆինլանդիայի Վանտաա քաղաքի Königstedt կալվածքում տեղի է ունեցել Մշտական համատեղ մեխանիզմի առաջին նիստը, որին մասնակցել են երեք երկրների արտաքին գործերի, ներքին գործերի, արդարադատության և պաշտպանության նախարարությունների, հետախուզական ծառայության, նախագահի և վարչապետի գրասենյակների փորձագետները:.
Նշվում է, որ հանդիպման մասնակիցները քննարկել են եռակողմ հուշագրի իրականացման կոնկրետ քայլերը։
Մայիսի 18-ին Ֆինլանդիան և Շվեդիան Ուկրաինայում ռուսական պատերազմի ֆոնին ՆԱՏՕ-ի գլխավոր քարտուղարին դաշինքին միանալու հայտ են ներկայացրել։
Սկզբում Թուրքիան արգելափակել էր այդ դիմումների քննարկման գործընթացի մեկնարկը, սակայն հետո՝ հունիսի 29-ին, Թուրքիան, Շվեդիան և Ֆինլանդիան ստորագրեցին անվտանգության հուշագիր, որը հաշվի է առնում Անկարայի բոլոր մտահոգությունները։ Դրանից հետո Թուրքիան հետ վերցրեց իր առարկությունները այս երկու երկրների՝ ՆԱՏՕ-ին անդամակցելու վերաբերյալ։
Տաթև Ֆռանգյան
