05.06.2026 | 14:18
Նորվեգիայի հավաքականի ֆոտոսեսիան՝ վիկինգների հագուստով․ ԼՈՒՍԱՆԿԱՐՆԵՐ
Բուլղարիան պատրաստ է բանակցություններ սկսել «Գազպրոմի» հետ գազի մատակարարման շուրջ
Քաղաքականություն
26.08.2022 | 20:30
Բուլղարիան պատրաստ է բանակցություններ սկսել գազի մատակարարման շուրջ և իր մտադրությունների մասին ծանուցել է ռուսական «Գազպրոմ» ընկերությանը։ Այս մասին հայտնում է Գազետան՝ հղում անելով Բուլղարիայի տեխնիկական կառավարության էներգետիկայի նախարար Ռոսեն Խրիստովին։
«Մենք [Գազպրոմին] ցույց տվեցինք համաձայնագրի վիճահարույց մանրամասների շուրջ բանակցությունները սկսելու, ավելի ճիշտ՝ շարունակելու մեր ցանկությունը։ Մենք գործընկերներին տեղեկատվություն ենք ուղարկել, որ պատրաստ ենք բանակցությունների, խնդրել ենք շփումների հնարավորություն։ Մենք սպասում ենք պատասխանի մոտ ապագայում»,- մանրամասնել է բուլղարիացի նախարարը։
Վերջինը նաև նշել է, որ Բուլղարիան պատրաստ է մի քանի փոփոխություններ առաջարկել պայմանագրի պայմանների վերաբերյալ։
Խրիստովը հավելել է, որ բուլղարական կողմը կառաջարկի մի շարք փոփոխություններ համաձայնագրի պայմանների մեջ, որոնք կօպտիմալացնեն այն՝ հաշվի առնելով ներկա իրավիճակը։ Առաջարկների թվում է նաև գազի մնացած ծավալների՝ մոտ 2,4 միլիարդ խորանարդ մետրի ստացման ժամկետի երկարաձգում խնդրելը։ Նման միջոցներ են անհրաժեշտ, որպեսզի վառելիքը հասնի մինչև ջեռուցման սեզոնի ավարտը կամ հաջորդ ամառ։
Էներգետիկայի նախարարության ղեկավարը խոստովանել է, որ այժմ Բուլղարիան շարունակում է ռուսական գազ գնել, բայց միջնորդների միջոցով և ավելի թանկ գնով։
Տաթև Ֆռանգյան
