13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Չինաստանը զորավարժություններ է անցկացրել Թայվանի մերձակա ջրերում և օդային տարածքում
Քաղաքականություն
26.08.2022 | 19:34
Չինաստանի ժողովրդական ազատագրական բանակը (PLA) վերջերս զորավարժություններ է անցկացրել օդային տարածքում և ծովում՝ Թայվան կղզու շրջակայքի ջրերում։ Այս մասին ասվում է ուրբաթ օրը հրապարակված հաղորդագրության մեջ, փոխանցում է ՏԱՍՍ-ը։
«Օրերս PLA-ի մարտական հրամանատարության արևելյան գոտին զորավարժություններ է անցկացրել ծովում և ռազմական տարբեր ճյուղերի օդային տարածքում Թայվան կղզու շրջակայքի ջրերում՝ համատեղ մարտունակությունը բարձրացնելու, պարեկություն իրականացնելու և իրական մարտական պայմաններում գործելու համար»,- ասվում է հաղորդագրությունում։
Զորավարժությունների անցկացման ճշգրիտ ժամկետը չի նշվում: Զեկույցում նշվում է նաև, որ այս զորավարժությունները պատասխանն են «Թայվանի նեղուցում իրավիճակի փոփոխությանը»:
Տաթև Ֆռանգյան
