27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Ադրբեջանը կմասնակցի Եվրասիական միջկառավարական խորհրդի ընդլայնված կազմով հանդիպմանը
Քաղաքականություն
26.08.2022 | 16:54
Ադրբեջանը կմասնակցի Եվրասիական միջկառավարական խորհրդի ընդլայնված կազմով հանդիպմանը, գրում է ՏԱՍՍ-ը։
Նշվում է, որ այսօր ավելի ուշ Եվրասիական միջկառավարական խորհրդի հանդիպումը կանցկացվի ընդլայնված կազմով, որին, ի լրումն Միության երկրների՝ Ռուսաստանի, Հայաստանի, Բելառուսի, Ղազախստանի և Ղրղզստանի, կմասնակցեն նաև Ադրբեջանը, Կուբան և Ուզբեկստանը։ Ակնկալվում է, որ հանդիպման արդյունքում համագործակցության զարգացման վերաբերյալ համատեղ փաստաթղթեր կստորագրվեն։
Մինչ այդ, Եվրասիական տնտեսական միության (ԵՏՄ) երկրների վարչապետներն օգոստոսի 26-ին Չոլպոն Աթայում Եվրասիական միջկառավարական խորհրդի նիստի արդյունքներով ստորագրել են համագործակցության զարգացման 10 փաստաթուղթ: Դրանց թվում են միավորման մեջ արդյունաբերական կոոպերացման ֆինանսավորման, տրանսպորտի ոլորտում առաջնահերթ ինտեգրացիոն ենթակառուցվածքային նախագծերի ցանկի, փոխադարձ հաշվարկներում ազգային արժույթների օգտագործման ընդլայնման հետագա աշխատանքի մասին հրահանգները:
Նիստում նաև որոշում է ընդունվել Եվրասիական միջկառավարական խորհրդի հաջորդ նիստն անցկացնել Հայաստանում այս տարվա հոկտեմբերի 20-21-ը:
Ռուսական լրատվամիջոցների փոխանցմամբ՝ ՌԴ վարչապետ Միխայիլ Միշուստինը Չոլպոն Աթայում երկկողմ հանդիպումներ է անցկացրել Հայաստանից և Ադրբեջանից իր պաշտոնակիցների հետ։
Տաթև Ֆռանգյան
