16.09.2026 | 12:10
Փաշինյանը Հեսսենի խաղաղության մրցանակ կստանա // ԶՈՒ ԳՇ պետը գիշերային անակնկալ ստուգայց է կատարել․ ԼՈՒՐԵՐ
Ռուսաստանը հարյուրավոր անօդաչու թռչող սարքեր է ստացել Իրանից․ Associated press
Քաղաքականություն
26.08.2022 | 13:48
Ռուսաստանը հարյուրավոր իրանական անօդաչու թռչող սարքեր է ստացել, որոնք կարող են օգտագործվել Ուկրաինայի դեմ պատերազմում, հայտնել են արևմտյան հետախուզական ծառայությունների պաշտոնյաները, գրում է Associated press-ը:
Նշվում է, որ առաքումները կատարվել են՝ չնայած Թեհրանին ուղղված ԱՄՆ-ի նախազգուշացումներին։ Դեռևս պարզ չէ՝ արդյոք Ռուսաստանն արդեն սկսել է անօդաչու թռչող սարքերն օգտագործել ուկրաինական թիրախների դեմ:
Գործակալությունը նշում է, որ Ուկրաինա ներխուժելուց հետո տնտեսական պատժամիջոցների և մատակարարման շղթայի խափանումների պատճառով Ռուսաստանն ավելի ու ավելի հաճախ է դիմում Իրանին՝ որպես հիմնական գործընկեր և զենքի մատակարար: Հուլիսին Սպիտակ տունը զգուշացրել էր, որ Իրանը ծրագրում է Մոսկվային հարյուրավոր մարտական անօդաչու թռչող սարքեր մատակարարել։
Տաթև Ֆռանգյան
