16.09.2026 | 20:06
Աշխատակիցներին սպառնում են աշխատանքից ազատել քաղաքական հայացքների պատճառով. «Անկախ դիտորդ»-ը ահազանգում է
Գերմանիայի Ստորին Սաքսոնիա շրջանը անցնում է ջրածնային գնացքների
Քաղաքականություն
25.08.2022 | 16:24
Համաշխարհային պրեմիերա ու ևս մեկ քայլ՝ դեպի կանաչ տրանսպորտ. Գերմանիայի մի ամբողջ շրջան կանցնի ջրածնային գնացքների: Ներքին Սաքսոնիայում այսուհետ կշարժվեն միայն H2-ով աշխատող գնացքները։ Այս մասին հայտնում է Euronews-ը։
Տանիքում տեղադրված հատուկ վառելիքի բաքերի շնորհիվ ջրածնի և թթվածնի միջև տեղի է ունենում քիմիական ռեակցիա, որի շնորհիվ լիցքավորվում է էլեկտրագնացքի հզոր մարտկոցը։ Հինգ գնացք արդեն մտել է երթուղի, մինչև տարեվերջ դրանց թիվը կավելանա ևս 9-ով։
Մինչև 2022 թվականի օգոստոսի 24-ը մոլորակի ոչ մի շրջան դեռ ամբողջությամբ չի անցել ջրածնային գնացքների. եղել և շարունակվում են միայն առանձին փորձեր: Եվ հիմա, Գերմանիայի հյուսիս-արևմուտքում գտնվող Ներքին Սաքսոնիա դաշնային նահանգի Բրեմերֆորդե, Կուկսհավեն, Բրեմերհավեն և Բուքստեհուդ քաղաքների միջև ուղևորափոխադրումներն ամբողջությամբ սկսել են իրականացվել էկոլոգիապես մաքուր H2 տեխնոլոգիայով:
Տաթև Ֆռանգյան
