27.02.2026 | 16:48
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
Եվրոպայում գազի գինը շարունակում է սրընթաց աճել
Քաղաքականություն
25.08.2022 | 15:33
Եվրոպայում գազի գինը շարունակում է սրընթաց աճել՝ հինգշաբթի օրը՝ օգոստոսի 25-ին, գերազանցելով հազար խորանարդ մետրի դիմաց 3200 դոլարի նշագիծը։
Այսպիսով, ICE Futures բորսայում TTF-ի սեպտեմբերյան ֆյուչերսների արժեքը հասել է 3236 դոլարի՝ հազար խորանարդ մետրի դիմաց, գրում է Korrespondent-ը։
Օգոստոսի սկզբին գազի միջին գինը կազմել է 2318 դոլար, իսկ հուլիսին՝ հազար խորանարդ մետրի դիմաց 1764 դոլար։
Գազի պատմական առավելագույն գինը գրանցվել է 2022 թվականի մարտի 7-ին՝ 3898 դոլար։
Վառելիքը թանկանում է Ասիայում բնական հեղուկ գազի գների բարձրացման, ինչպես նաև խողովակաշարային գազի հիմնական մատակարարների սահմանափակ աշխատանքի պատճառով. Նորվեգիայում շարունակվում է հանքավայրերի կանխարգելիչ սպասարկումը, իսկ Nord Stream գազատարի թողունակությունը կրճատվել է։
Անցած շաբաթ եվրոպական շուկայում գազի արժեքն աճել է ավելի քան 500 դոլարով։ Պարբերականը նաև տեղեկացնում է, որ չնայած գնաճին՝ եվրոպական պահեստարաններ գազի ներարկումն ընթանում է ըստ ժամանակացույցի։
Տաթև Ֆռանգյան
