27.02.2026 | 16:48
Ուկրաինան և ՌԴ-ն համաձայնության են եկել Զապորոժիեի ԱԷԿ-ի վերանորոգման համար տեղական հրադադարի շուրջ
Ռուսաստանը սարքավորումներ է տեղակայում Զապորոժիեի ԱԷԿ-ի ռեակտորից 60 մետր հեռավորության վրա․ Բրիտանիայի ՊՆ
Քաղաքականություն
25.08.2022 | 14:41
Մեծ Բրիտանիայի Պաշտպանության նախարարությունը հրապարակել է Զապորոժիեի ատոմակայանի ռուսական ռազմական տեխնիկայի արբանյակային լուսանկարները։ Կադրերում երևում է, որ հինգերորդ ռեակտորից 60 մետր հեռավորության վրա տեղակայվել են զրահափոխադրիչներ, գրում է DW-ի ռուսական ծառայությունը։
«Ռուսական զորքերը, հավանաբար, փորձում էին թաքցնել մեքենաները՝ դրանք կայանելով վերին խողովակների տակ»,- նշում է բրիտանական գերատեսչությունը։
Ատոմակայանը գրավվել էր ռուսական ցամաքային զորքերի կողմից մարտին տեղի ունեցած հարձակումից հետո, և այժմ Ռուսաստանը, ամենայն հավանականությամբ, պատրաստ է քարոզչական նպատակներով օգտագործել ուկրաինական ցանկացած ռազմական գործողություն ատոմակայանի մոտ, նշում է Մեծ Բրիտանիայի Պաշտպանության նախարարությունը:
«Քանի դեռ Ռուսաստանը պահպանում է Զապորոժիեի ԱԷԿ-ի ռազմական օկուպացիան, ռեակտորի շահագործման հիմնական ռիսկերը, հավանաբար, կմնան ռեակտորի հովացման համակարգերի խափանումը, դրանց պահեստային էներգիայի աղբյուրների վնասումը կամ աշխատողների սխալը»,- զգուշացնում են զինվորականները:
Տաթև Ֆռանգյան
