Քաղաքականություն
24.08.2022 | 16:54
Զբոսաշրջությունը Եվրոպայում միշտ թանկ է եղել, իսկ ռուսաստանցիներն ընտրում են էժան լողափեր, ուստի այժմ հոսքը ԵՄ-ի երկրներ զգալիորեն կրճատվել է նաև այն կասկածների կապակցությամբ, որ ռուսաստանցիներին այնտեղ ուրախ չեն տեսնել, բայց նրանք, ովքեր «իրենց չեն պատկերացնում» առանց Եվրոպայի, առաջվա պես այնտեղ են մեկնում: «Արմենպրես»-ի փոխանցմամբ՝ այս այս մասին հայտնել է Հասարակական կարծիքի ուսումնասիրման համառուսաստանյան կենտրոնի (ՀԿՈւՀԿ) ղեկավար Վալերի Ֆյոդորովը:
«Զբոսաշրջությունը Եվրոպայում միշտ թանկ է եղել: Մեզ մոտ զանգվածային զբոսաշրջությունը միշտ եղել է ոչ թե թանկ Եվրոպան, այլ էժան լողափերը… Բայց առկա է նաև անհանգստությունը, որ մեզ այնտեղ ուրախ չեն տեսնել, դա նույնպես ազդում է շատերի վրա: Հաճելի չէ մեկնել այնտեղ, որտեղ քեզ կարող են բոյկոտել, վիրավորել, հրաժարվել քեզ հետ ռուսերեն խոսել, նույնիսկ եթե կարող են, բայց չգիտես ինչու՝ չեն ցանկանում: Դա նույնպես շատ է ազդում: Ուստի, այո՛, մենք տեսնում ենք դեպի Եվրոպայի երկրներ արտագնա զբոսաշրջության նվազում: Բայց դրա հետ մեկտեղ՝ նրանք, ովքեր ցանկանում են, ովքեր առանց դրա չեն պատկերացնում իրենց, առաջվա պես այնտեղ են մեկնում»,- ասել է Ֆյոդորովը ՌԻԱ Նովոստիին տված հարցազրույցում:
Նա նշել է, որ եվրոպական տուրիստական երթուղիներն ընտրում է «ռուսաստանցիների բացարձակ փոքրամասնությունը»:
«Մեզ մոտ հիմնական տուրիզմը եղել է ոչ թե Շենգենյան երկրներ, այլ ավելի պարզ, էժան՝ Եգիպտոս, Թուրքիա, Չինաստան: Դա նաև մինչև վերջին պատժամիջոցներն էր հայտնի»,- հավելել է Ֆյոդորովը:
