08.06.2026 | 10:57
Ընտրատեղամասի հարակից տարածքում դանակահարության դեպքով վարույթ է նախաձեռնվել սպանության հոդվածով
Թրասը հայտարարել է, անհրաժեշտության դեպքում, միջուկային զենք կիրառելու պատրաստակամության մասին
Քաղաքականություն
24.08.2022 | 13:39
Մեծ Բրիտանիայի արտաքին գործերի նախարար և վարչապետի թեկնածու Լիզ Թրասը հայտարարել է, որ, անհրաժեշտության դեպքում, պատրաստ կլինի միջուկային զենք կիրառել: Այս մասին նա հայտարարել է օգոստոսի 23-ին Բիրմինգեմում Պահպանողական կուսակցության անդամների հետ հանդիպմանը։
Նրան հարցրել են, թե ի՞նչ կզգա, եթե ստիպված լինի միջուկային զենք օգտագործել:
«Կարծում եմ՝ սա վարչապետի կարևոր պարտականությունն է։ Ես պատրաստ եմ դա անել»,- Թրասի պատասխանն է վկայակոչում The Telegraph-ը:
Հիշեցնենք, որ ավելի վաղ Լիզ Թրասը հայտարարել էր, որ պատրաստ է հանդիպել ՌԴ նախագահ Վլադիմիր Պուտինի հետ G20-ի գագաթնաժողովի շրջանակում։ Մեկնաբանությունն արվել է Ինդոնեզիայի նախագահ Ջոկո Վիդոդոյի հայտարարությունից հետո, թե ՌԴ ղեկավարը ծրագրում է անձամբ մասնակցել G20-ի գագաթնաժողովին, որը տեղի կունենա նոյեմբերի 15-16-ը Բալիում։
Տաթև Ֆռանգյան
