09.10.2026 | 13:26
Արթիկի նախկին մանկապարտեզի 2003-ի աճուրդը անվավեր է ճանաչվել․ համայնքին կվճարվի 12.4 մլն դրամ
Նախկինում մենք ասում էինք «Խաղաղությո՛ւն», այժմ ասում ենք «Հաղթանա՛կ»․ Զելենսկին Անկախության օրվա կապացությամբ ուղերձով է հանդես եկել
Քաղաքականություն
24.08.2022 | 12:41
Վլադիմիր Զելենսկին տեսաուղերձ է հրապարակել Ուկրաինայի Անկախության օրվա կապակցությամբ, որը երկիրը նշում է այսօր՝ օգոստոսի 24-ին։ Նա ուղերձը ձայնագրել է Մայդան Նեզալեժնոստիում և Խրեշչատիկում, որտեղ անցկացվում է ՌԴ ռազմական գործողոթւյունների ընթացքում ոչնչացված ռուսական ռազմական տեխնիկայի ցուցահանդես գրում է BBC-ի ռուսական ծառայությունը։
«Օկուպանտները հավատում էին, որ մի քանի օրից հաղթաշքերթով կանցնեն մեր մայրաքաղաքի կենտրոնով։ Այսօր Կրեշչատիկում կարելի է տեսնել այդ «հաղթաշքերթը»։ Սա ապացույց է, որ թշնամական տեխնիկան կարող է հայտնվել Կիևի կենտրոնում միայն այս տեսքով»,-հայտարարել է Զելենսկին։
Իր ուղերձում Զելենսկին մի քանի անգամ ընդգծել է, որ Ուկրաինան մտադիր չի տարածքային զիջումների գնալ։ Նախկինում մենք ասում էինք՝ «Խաղաղությո՛ւն»։ Այժմ ասում ենք՝ «Հաղթանա՛կ»,- հայտարարել է նա։ «Մենք չենք փորձելու ահաբեկիչների հետ փոխըմբռնման հասնել, չնայած հասկանում ենք ռուսաց լեզուն, որը դուք եկել եք պաշտպանելու՝ սպանելով հազարավոր մարդկանց, որոնց եկել եք «ազատագրելու»,-հայտարարել է Ուկրաինայի նախագահը։
Զելենսկու խոսքով՝ Ուկրաինան կձգտի երկրի տարածքային ամբողջականության ամբողջական վերականգնմանը՝ ներառյալ Ղրիմն ու Դոնբասը, անկախ դրանց վերադարձի ուղիներից։
«Մեզ համար Ուկրաինան ամբողջ Ուկրաինան է, բոլոր 25 շրջանները՝ առանց որևէ զիջման կամ փոխզիջման»,- ասել է Զելենսկին։
Տաթև Ֆռանգյան
