Կիևում տեղի է ունեցել Ղրիմի հարթակի գագաթնաժողովը

Օգոստոսի 23-ին Կիևում մեկնարկել է Ղրիմի հարթակի գագաթնաժողովը։ Միջոցառմանը մասնակցում են աշխարհի շուրջ 60 երկրների ներկայացուցիչներ։

Հանդիպումը, որն այս տարի անցկացվում է առցանց ձևաչափով, համախմբել են եվրոպական երկրներին, ԱՄՆ-ին, Ասիան, Լատինական Ամերիկան և Աֆրիկան, ինչպես նաև Եվրոպական հանձնաժողովի և Եվրոպայի խորհրդի, ՆԱՏՕ-ի և Ղրիմի թաթարների Ժողովուրդների մեջլիսի ղեկավարներին։

Գագաթնաժողովի ընթացքում քննարկվել են մի քանի թեմատիկ հարցեր։ Մասնավորապես՝

• Ղրիմի ժամանակավոր օկուպացիայի դերը Ուկրաինայի դեմ լայնածավալ ագրեսիայի իրականացման գործում,

• Սև և Ազովի ծովերի տարածաշրջանում անվտանգության և կայունության վերականգնման համար համատեղ ջանքերը,

• հետագա քայլերը՝ ի պատասխան Ռուսաստանի կողմից Ղրիմում մարդու իրավունքների և միջազգային մարդասիրական իրավունքի խախտումներին, մասնավորապես՝ էթնիկ ուկրաինացիների և Ղրիմի թաթարների նկատմամբ,

• Ղրիմի միջազգային իրավական կարգավիճակի որևէ փոփոխության չճանաչման քաղաքականության ուժեղացումը,

• պատժամիջոցների արդյունավետությունը, դրանց ուժեղացումը և շրջանցման կանխումը։

Գերմանիայի կանցլեր Օլաֆ Շոլցը, որն արդեն ելույթ է ունեցել Ղրիմի հարթակում, ասել է, որ Արևմուտքը երբեք չի ճանաչի Ռուսաստանի կողմից ուկրաինական տարածքների բռնակցումը։ Շոլցը նաև հայտարարել է, որ Կանադան և Գերմանիան պայմանավորվել են Կիևին «ռազմական օգնության» նոր փաթեթի շուրջ, որը ներառում է հակաօդային պաշտպանության համակարգեր, հրթիռային համակարգեր և տոննաներով զինամթերք։

Տաթև Ֆռանգյան