17.01.2026 | 10:30
Մահացել է ՀՀ վաստակավոր ճարտարապետ Մուրադ Հասրաթյանը
Զելենսկին պարգևատրվել է ամերիկյան Ազատության մեդալով
Քաղաքականություն
23.08.2022 | 17:58
2022 թվականի Ազատության մեդալն այս աշնանը կշնորհվի Ուկրաինայի նախագահ Վլադիմիր Զելենսկիին։ ԱՄՆ Ազգային սահմանադրական կենտրոնը հայտարարել է, որ Զելենսկին կպարգևատրվի հոկտեմբերին կայանալիք արարողության ժամանակ՝ «ռուսական բռնակալության ներքո ազատության հերոսական պաշտպանության համար», գրում է VOA-ն:
«Նախագահ Զելենսկին համարձակորեն առաջնորդել է ուկրաինացի ժողովրդին՝ պաշտպանելու ռուսական բռնակալությունից ազատությունը, և նրա քաջությունը ոգեշնչել է ամբողջ աշխարհի մարդկանց՝ պաշտպանելու ազատական ժողովրդավարությունը և օրենքի գերակայությունը»,- ասել է Կենտրոնի նախագահ և գործադիր տնօրեն Ջեֆրի Ռոզենը:
Ազատության մեդալը, որը ստեղծվել է 1988 թվականին՝ ի հիշատակ ԱՄՆ Սահմանադրության 200-ամյակի, պարգևատրվում են այն անհատները, ովքեր ձգտում են ազատության օրհնությունները բերել ամբողջ աշխարհի մարդկանց:
Վերջին ստացողների թվում են ԱՄՆ Գերագույն դատարանի դատավորներ Ռութ Բեյդեր Գինսբուրգը և Էնթոնի Քենեդին, սենատոր Ջոն Մաքքեյնը, պատգամավոր Ջոն Լյուիսը և Մալալա Յուսուֆզայը:
Տաթև Ֆռանգյան
