22.11.2024 | 23:43
Զգացում ունեմ՝ 300 հազար էլ կհավաքվի. Փաշինյանը՝ Եվրաքվեի ստորագրահավաքի մասին. ՏԵՍԱՆՅՈՒԹ
«Ոչմիթիզականությունն» արդեն քաղաքական մառազմ է․ կարևոր է՝ ՀՀ տարածքը դառնա երթևեկելի հարևան բոլոր պետությունների համար․ Թաթուլ Հակոբյան․ ՏԵՍԱՆՅՈւԹ
Քաղաքականություն
23.08.2022 | 11:37
ՀՀ Ազգային անվտանգության ծառայությունն իրավական ակտերի նախագծերի միասնական կայքում օգոստոսի 18-ին շրջանառության մեջ էր դրել նախագիծ, որով առաջարկում է անցակետեր տեղադրել Հայաստան-Ադրբեջան պետական սահմանի երեք հատվածներում:
Նախագծի ընդունման դեպքում, անցակետեր կտեղադրվեն Սոթք-Քարվաճառ, Երասխ-Սադարակ և Քարահունջ-Ղուբաթլու հատվածներում: Շրջանառվող նախագիծը, համաձայն փորձագետների գնահատականի, վկայում է այն մասին, որ Հայաստանը փաստացի մերժում է Ադրբեջանի`«Զանգեզուրի միջանցք» տրամադրելու պահանջը: Փոխարենը Երևանը պատրաստ է երեք ճանապարհ տրամադրել Ադրբեջանին՝ կապվելու Նախիջևանի և Թուրքիայի հետ:
«Հաղթած ժամանակ Հայաստանը գին էր վճարում՝ մնալով շրջափակման տակ, այնպես չլինի, որ պարտված ժամանակ նորից շրջափակման տակ մնանք, այդ իմաստով չափազանց կարևոր է, որ Հայաստանի տարածքը դառնա երթևեկելի հարևան բոլոր պետությունների համար»,- «Հայաստանը երեք ճանապարհ է առաջարկում Ադրբեջանին, ո՞րն է նոր անցակետերի ստեղծման պատճառը» թեմայով քննարկման ժամանակ այս մասին նշեց քաղաքագետ Թաթուլ Հակոբյանը:
«Ադրբեջանը ուզում է մի միջանցք, որը հավասարազոր կլինի այն միջանցքին, որը ստիպված է տալ ռուսներին, որպեսզի Հայաստանը կապվի Արցախի հետ: Ալիևն անդադար խոսում է միջանցքի մասին, նա հատկապես խոսում է Ռուսաստանի հետ…
Հայաստանը մոտեցել է կարմիր գծերին Մեղրիի հարցում, համաձայնություն է տվել, որ վերականգնվի և գործարկվի 1930-ականներին կառուցված և 2000-ականերին թալանված երկաթգիծը: Հայաստանը նաև մեկ այլ կարմիր գծի է մոտեցել, համաձայնություն տալով, որ Արաքս գետի երկայնքով ճանապարհ լինի… Բայց սա էլ Ադրբեջանի համար քիչ է, ուզում է քամել ամեն հնարավորը:
Հայաստանում «ոչմիթիզականությունն» այլևս ակտուալ չէ: Դա արդեն քաղաքական մառազմ է։ «Ոչմիթիզականությունն»արդեն տեղափոխվել է Ադրբեջան՝ պետական մակարդակով:
Մանրամասները՝ տեսանյութում:
