27.07.2026 | 23:18
Ոստիկանները ձերբակալել են ապօրինի զենք պահող տղամարդուն
Բարձր ջերմաստիճան և քամիներ․ Վրաստանում հրդեհավտանգ իրավիճակ է
Քաղաքականություն
22.08.2022 | 19:08
Վրաստանի ողջ տարածքում առաջիկա օրերին կպահպանվի բարձր ջերմաստիճանը։ Բացի այդ, օդերևութաբանական կանխատեսումներով՝ ուժեղ քամիներ են սպասվում, ինչը բարենպաստ գործոն է անտառային հրդեհների առաջացման համար, գրում է aliq.ge-ն։
Վրաստանի արտակարգ իրավիճակների (ԱԻ) կառավարման ծառայությունը հնարավոր բարդություններից խուսափելու համար հորդորում է հանրությանը դրսևորել բարձր քաղաքացիական պատասխանատվություն, կրակ չվառել գյուղատնտեսական ցանքատարածությունների վրա, անտառի կամ դաշտերի հարևանությամբ, աննկատ չթողնել հրդեհային օջախները։
Ծխի կամ հրդեհի դեպքում քաղաքացիները պետք է անհապաղ տեղեկացնեն ՆԳՆ-ի Հանրային անվտանգության կառավարման կենտրոն՝ 112։
Առաջիկա օրերին արևելյան Վրաստանում սպասվում է հիմնականում առանց տեղումների եղանակ և արևելյան քամու ուժգնացում. քամու արագությունը կհասնի 20-25 մ/վրկ: Արևմտյան Վրաստանում սպասվում է բարձր ջերմաստիճան։ Օգոստոսի 22-23-ին կդիտվի մինչև +39 աստիճան տաքություն, իսկ օգոստոսի 24-ին օդի ջերմաստիճանը կհասնի +40 աստիճանի։ Միաժամանակ սպասվում է արևելյան քամու ուժգնացում:
