09.10.2026 | 21:43
Ադրբեջանի դպրոցներում հիջաբ կրելու արգելք է սահմանվել նաև ուսուցիչների համար
Թուրքիայի պաշտպանության նախարարն ուկրաինական «հացահատիկի» համաձայնագրի արդյունավետության հույս ունի
Քաղաքականություն
22.08.2022 | 19:55
2022 թվականի օգոստոսի 1-ից Ուկրաինայի նավահանգիստներից առաքվել է 721․449 տոննա գյուղմթերք։ Այս մասին երկուշաբթի հայտարարել է Թուրքիայի ազգային պաշտպանության նախարար Հուլուսի Աքարը երկրի բարձրագույն հրամանատարական կազմի անդամների հետ տեսակոնֆերանսի ժամանակ, գրում է Anadolu գործակալությունը։
«Այս ուղղությամբ ջանքերը շարունակվում են։ Հուսով եմ, որ գործընթացն աստիճանաբար առաջ կգնա։ Մենք շարունակում ենք մեր ջանքերը՝ գյուղատնտեսական արտադրանքն արագ և անվտանգ տեղ հասցնելու ուղղությամբ: Մենք ձգտում ենք կանխել մատակարարումների դանդաղումը կամ կասեցումը և ապրանքների առաքումը հաճախորդներին»,- ասել է Աքարը:
Նա հիշեցրել է, որ ավելի վաղ ՄԱԿ-ի գլխավոր քարտուղար Անտոնիո Գուտերեշի հետ միասին ստուգում է անցկացրել Ստամբուլի Համատեղ համակարգման կենտրոնում՝ ընդգծելով, որ կենտրոնը գործում է անխափան ռեժիմով։
Հուլիսի 22-ին Ստամբուլում Թուրքիայի նախագահ Ռեջեփ Թայիփ Էրդողանի և ՄԱԿ-ի գլխավոր քարտուղար Անտոնիո Գուտերեշի ներկայությամբ համաձայնագիր է ստորագրվել Ուկրաինայի նավահանգիստներից հացահատիկի անվտանգ տեղափոխման մասին։ Փաստաթուղթը ստորագրել են Ուկրաինայի, Ռուսաստանի, ՄԱԿ-ի և Թուրքիայի ներկայացուցիչները։
Տաթև Ֆռանգյան
