17.01.2026 | 10:30
Մահացել է ՀՀ վաստակավոր ճարտարապետ Մուրադ Հասրաթյանը
Բորելը չի սատարել ռուսաստանցիներին վիզայի տրամադրման ամբողջական արգելքի գաղափարը
Քաղաքականություն
22.08.2022 | 17:11
ԵՄ արտաքին գործերի և անվտանգության քաղաքականության հարցերով գերագույն ներկայացուցիչ Ժոզեպ Բորելը չի պաշտպանում ռուսաստանցիների համար վիզաների ամբողջական արգելք մտցնելու գաղափարը։ Այս մասին նա ասել է օգոստոսի 22-ին Իսպանիայի Սանտանդեր քաղաքում տեղի ունեցած միջազգային համաժողովի ժամանակ։
«Սա շատ հակասական առաջարկ է… Որոշ երկրներ արդեն որոշակի միջոցներ են ձեռնարկել այս առումով, մյուսները չեն պատրաստվում աջակցել դրան: Կարծում եմ, որ բոլոր ռուսաստանցիների մուտքն արգելելը լավ գաղափար չէ: Մենք պետք է ավելի ընտրողական լինենք»,- ասել է Բորելը։
Նրա խոսքով՝ արժե դիտարկել վիզային սահմանափակումների ներդրումը միայն Ռուսաստանից խոշոր բիզնեսի ներկայացուցիչների, այլ ոչ թե սովորական մարդկանց նկատմամբ։ Եվրոպական դիվանագիտության ղեկավարը կարծում է, որ «հնարավորություն պետք է տրվի նրանց, ովքեր ցանկանում են լքել Ռուսաստանի Դաշնությունը»։
Հիշեցնենք, որ օգոստոսի 31-ին ԵՄ ԱԳ նախարարները Պրահայում կայանալիք հանդիպման ժամանակ կքննարկեն ռուսաստանցիների համար վիզային ռեժիմի սահմանափակումները ուկրաինական պատերազմի ֆոնին: Միաժամանակ, որոշ երկրներ աջակցում են Ռուսաստանի քաղաքացիներին տուրիստական վիզաների տրամադրման ամբողջական արգելքի գաղափարը։
Տաթև Ֆռանգյան
