28.06.2026 | 15:25
Պատմական շոգ Եվրոպայում․ Գերմանիան, Չեխիան և Դանիան նոր ազգային ռեկորդներ են սահմանել
Ալիևը հավանություն է տվել Ադրբեջանից Սերբիա շահավետ պայմաններով էլեկտրաէներգիայի մատակարարմանը
Քաղաքականություն
22.08.2022 | 16:05
Սերբիան կկարողանա Ադրբեջանից էլեկտրաէներգիա ձեռք բերել շահավետ պայմաններով: Այս մասին հայտարարել են Սերբիայի նախագահ Ալեքսանդր Վուչիչի գրասենյակից՝ Ադրբեջանի նախագահ Իլհամ Ալիևի հետ կիրակնօրյա հեռախոսազրույցից հետո, փոխանցում է «Ինտերֆաքսը»։
Սերբիայի ղեկավարը դիմել է ադրբեջանցի գործընկերոջը՝ բավարար էլեկտրաէներգիա ապահովելու համար օգնություն ստանալու նպատակով։ Ալիևն արձագանքել է խնդրանքին՝ խոսելով Ադրբեջանից շահավետ պայմաններով էլեկտրաէներգիա գնելու վերաբերյալ համաձայնագրի հաստատման մասին։
Ավելի վաղ Վուչիչը հայտարարել էր, որ նոյեմբերի 1-ից Ռուսաստանի դեմ արևմտյան պատժամիջոցների պատճառով (որը սահմանվել է Ուկրաինայում Մոսկվայի սանձազերծած պատերազմի պատճառով) Սերբիան չի կարողանա նավթ ստանալ Ռուսաստանի Դաշնությունից, որն Ադրիատիկ ծովով երկիր է առաքվում լցանավերով, այնուհետև Խորվաթիայով անցնող նավթամուղով, նշում է Prime-ը։
Դեռևս հունիսի վերջին Վուչիչը զգուշացրել էր, որ Սերբիան Արևմուտքի պատժամիջոցների պատճառով պետք է ռուսական նավթին այլընտրանք գտնի։
Տաթև Ֆռանգյան
