09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
ՃՏՊ՝ հրդեհի բռնկմամբ Զովունի գյուղում․ 6 մարդ հոսպիտալացվել է
Հասարակություն
22.08.2022 | 12:29
Օգոստոսի 22-ին, ժամը 08։57-ին Կոտայքի մարզային ճգնաժամային կառավարման կենտրոն ահազանգ է ստացվել, որ Զովունի գյուղում՝ «Անի պրոդուկտ» գործարանի մոտակայքում, տեղի է ունեցել ՃՏՊ՝ հրդեհի բռնկմամբ։ Այս մասին տեղեկացնում է ԱԻՆ-ը։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ բախվել են «Nissan Altima» (վարորդ՝ Գ․ Բ․, ծնված 1979 թ․) և «Renault» (վարորդ՝ Խ․ Հ․, ծնված 1966 թ․) մակնիշների ավտոմեքենաները, ինչի հետևանքով «Renault» մակնիշի ավտոմեքենայի շարժիչի հատվածում հրդեհ է բռնկվել։
Հրդեհը մարվել է տեղի ուժերով։ Այրվել է ավտոմեքենայի շարժիչի հատվածը` մասամբ։
«Nissan» մակնիշի ավտոմեքենայի վարորդ Գ․ Բ.-ն և ուղևոր Վ․ Ղ․-ն (ծնված 1991 թ.) հոսպիտալացվել են «Արմենիա» ՀԲԿ, ուղևորներ Ա․ Մ․-ն (ծնված 1992 թ.) և Ա․ Հ․-ն (ծնված 1999 թ.)՝ «Եղվարդի» ԲԿ, իսկ «Renault» մակնիշի ավտոմեքենայի վարորդ Խ․ Հ․-ն և ուղևոր Բ․ Հ․-ն ՝ «Արմենիա» ՀԲԿ։
Փրկարարները հոսանքազրկել են «Nissan» մակնիշի ավտոմեքենան և փակել բազի բալոնի փականը։
