19.08.2026 | 10:58
Ռուսական զորքերը հարվածել են Զապորոժիեին․ մեկ մարդ զոհվել է, յոթը՝ վիրավորվել
Ուկրաինացի ռազմագերիների դատավարությունն անհնարին կդարձնի ցանկացած բանակցություն. Զելենսկի
Քաղաքականություն
22.08.2022 | 11:05
Ուկրաինայի նախագահ Վլադիմիր Զելենսկին իր երեկոյան ելույթում մեկնաբանել է լուրերն այն մասին, թե Ռուսաստանի քննչական մարմինները Մարիուպոլում նախապատրաստում են ուկրաինացի ռազմագերիների դատավարությունը։ Դոնեցկի ինքնահռչակ հանրապետության ղեկավար Դենիս Պուշիլինն ավելի վաղ հայտարարել էր, որ «տրիբունալի նախապատրաստական աշխատանքները շարունակվում են», և որ «առաջին տրիբունալներից մեկը կլինի Մարիուպոլում», փոխանցում է BBC-ի ռուսական ծառայությունը:
«Մեր պետության արձագանքը միանգամայն հասկանալի կլինի։ Եթե այդ ստոր դատավարությունը տեղի ունենա, եթե մեր մարդկանց, խախտելով բոլոր պայմանավորվածությունները, միջազգային կանոնները, տանեն դեպի այդ դեկորացիաները… Սա կլինի այն գիծը, որից այն կողմ անհնար է ցանկացած բանակցություն։ Ռուսաստանն ինքն իրեն կկտրի բանակցություններից։ Այլևս չենք խոսի։ Մեր պետությունն ամեն ինչ ասել է»,- հայտարարել է Զելենսկին։
«Ուկրաինան չի հանդուրժի այն մարդկանց ահաբեկումը, որոնց մասին կարելի է ասել միայն մեկ բան՝ նրանք իրենց հայրենիքի հերոսներն են և պաշտպանել են իրենց ժողովրդի ազատությունը զավթիչներից»,- հավելել է Ուկրաինայի նախագահը։
Մարիուպոլի քաղաքապետ Վադիմ Բոյչենկոն ավելի վաղ հայտարարել էր, որ ռուս զինվորականները կարող են ուկրաինացի ռազմագերիների դատավարություն անցկացնել Ուկրաինայի անկախության օրը՝ օգոստոսի 24-ին։
Տաթև Ֆռանգյան
