13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Բռնցքամարտիկ Սամվել Սիրամարգյանը՝ չեմպիոն․ Թուրքիայում երկրորդ անգամ հնչեց Հայաստանի հիմնը
20.08.2022 | 23:32
Թուրքիայում Հայաստանը նվաճում է հերթական չեմպիոնական տիտղոսը։ Այս անգամ փայլում է 66կգ քաշային Սամվել Սիրամարգյանը, տեղեկացնում է Բռնցքամարտի ֆեդերացիան։
«Եզրափակիչում մեր մարզիկը պարզապես շնչելու հնարավորություն չի տալիս ուկրաինացի Ալեքսեյ Տատարենկոյին։ Բոլոր 3 ռաունդներում Սիրամարգյանը նախաձեռնողի դերում էր և ուժգին հարվածների մի ամբողջ տարափ էր հասցնում մրցակցին։ Արդյունքում բոլոր մրցավարները միաձայն 5։0 հաշվով հաղթանակը շնորհեցին հայ մարզիկին, և Թուրքիայում երկրորդ անգամ բոլորից վեր ծածանվեց հայոց եռագույնը»,- ասված է հաղորդագրության մեջ։
Թուրքիայում 2-րդ անգամն է հնչում Հայաստանի հիմնը` այս անգամ ի պատիվ Սամվել Սիրամարգյանի: Հայ մարզիկը հաղթանակը նվիրել է հայրենիքի համար զոհված մորեղբորը։
Հիշեցնենք՝ մեր առաջին ոսկե մեդալակիրը 42 կգ քաշային Համեստ Աֆրիկյանն է։
