16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Արևմուտքում զգուշացնում են Զապորոժիեի ԱԷԿ-ի վթարի դեպքում ՆԱՏՕ-ի միջամտության մասին
Քաղաքականություն
20.08.2022 | 16:58
ՌԴ-ի կողմից Զապորոժիեի ԱԷԿ վրա հարձակման պատճառով ռադիացիայի արտահոսքը հարկադրելու է ՆԱՏՕ-ին գործի դնել իր կանոնադրության 5-րդ հոդվածը, հայտարարել է Մեծ Բրիտանիայի խորհրդարանի ստորին պալատի պաշտպանության հարցերով հատուկ կոմիտեի ղեկավար Թոբիաս Էլվուդը:
«Ցանկացած դիտավորյալ վնաս, որը կհանգեցնի ուկրաինական միջուկային ռեակտորում ճառագայթման պոտենցիալ արտահոսքի, կդառնա ՆԱՏՕ-ի կանոնադրության 5-րդ հոդվածի խախտում»,- գրել է նա Twitter-ում։
DW-ի փոխանցմամբ՝ Էլվուդի խոսքերը հաստատել է Իլինոյս նահանգից ԱՄՆ Կոնգրեսի Ներկայացուցիչների պալատի անդամ Ադամ Քինզինգերը. «Ռադիացիայի ցանկացած արտահոսք մարդկանց կսպանի ՆԱՏՕ-ի երկրներում։ Սա ինքնաբերաբար հինգերորդ հոդվածն է»:
Հյուսիսատլանտյան պայմանագրի 5-րդ հոդվածը ՆԱՏՕ-ի անդամ ցանկացած երկրի վրա զինված հարձակումը հավասարեցնում է ամբողջ դաշինքի վրա հարձակմանը և նման իրավիճակում, ըստ էության, դաշինքի պետություններին պարտավորեցնում է անհապաղ օգնություն ցուցաբերել միմյանց, ներառյալ ռազմական ուժի կիրառումը:
