19.08.2026 | 10:58
Ռուսական զորքերը հարվածել են Զապորոժիեին․ մեկ մարդ զոհվել է, յոթը՝ վիրավորվել
Ադրբեջանը կարող է ճանաչել ինքնահռչակ Հյուսիսային Կիպրոսի թուրքական հանրապետությունը
Քաղաքականություն
19.08.2022 | 21:15
Հյուսիսային Կիպրոսի ինքնահռչակ հանրապետության ղեկավար Էրսին Թաթարը պատմել է Ադրբեջանի նախագահ Իլհամ Ալիևի հետ հանդիպման որոշ մանրամասներ։ Թուրքական Ulusal հեռուստաալիքին տված հարցազրույցում Թաթարը նշել է, որ հանդիպումն առաջին հերթին քաղաքական ուղերձ էր աշխարհի համար։
Լրագրողի հարցին, թե Ադրբեջանը կարո՞ղ է ճանաչել ինքնահռչակ հանրապետությունը, Թաթարը պատասխանել է. «Ճանաչումը կարող է որոշ ժամանակ պահանջել»։
Նա հավելել է, որ իրենց «հանրապետության» իրականությունն արդեն սկսում են տեսնել ամբողջ աշխարհում։
Թաթարը նշել է, որ մոտ ապագայում կարող է այցելել Ադրբեջան և Ալիևի հետ քննարկել ճանաչման հարցը։ Նա ևս մեկ անգամ հաստատել է, որ այսուհետ չեն քննարկելու Կիպրոսի խնդիրը ֆեդերացիա ստեղծելով լուծելու տարբերակը։ Ըստ նրա՝ իրենք պնդում են, որ խնդրի լուծումը տեսնում են միայն երկու առանձին պետությունների տեսքով, հատկապես, որ Թուրքիան նույնպես հակված է այդ լուծմանը։
Թաթարի խոսքով՝ դաշնության տարբերակը հակասում է նաև «Միջերկրական ծովում թուրքական քաղաքականությանը»։
Տաթև Ֆռանգյան
