14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ռուսաստանը հիպերձայնային հրթիռներով կործանիչներ է տեղակայել Կալինինգրադի մարզում
Քաղաքականություն
19.08.2022 | 19:45
Ռուս զինվորականները հայտնել են, որ գերձայնային հրթիռներով զինված մարտական ինքնաթիռներ են տեղակայել Կալինինգրադի շրջանում՝ Ուկրաինայում Մոսկվայի գործողությունների պատճառով Արևմուտքի հետ լարվածության աճի ֆոնին, գրում է VOA-ն:
Ռուսաստանի Պաշտպանության նախարարությունը հայտնել է, որ երեք ՄիԳ-31 կործանիչներ՝ զինված «Կինժալ» հիպերձայնային հրթիռներով, ժամանել են Չկալովսկի ավիաբազա՝ որպես լրացուցիչ ռազմավարական զսպման միջոցառումների մաս: ՌԴ ՊՆ-ն հայտնել է նաև, որ ինքնաթիռները բերվել են շուրջօրյա մարտական պատրաստի վիճակի։
Գերատեսչությունը կործանիչների մասին պատմող տեսանյութ է հրապարակել, թե ինչպես են դրանք ռազմաբազա ժամանում, սակայն առանց հրթիռների, որոնք, ըստ երևույթին, առանձին են տեղակայվել։
«Կինժալ» հրթիռների տեղակայումը Կալինինգրադի մարզում, մինչ Ուկրաինայում ռուսական բանակի գործողությունները շարունակվում են արդեն շուրջ կես տարի, ամենայն հավանականությամբ, կոչված է ցույց տալու, որ ռուսական ուժերն ունակ են սպառնալու ՆԱՏՕ-ին։
Հավելենք, որ Կալինինգրադի մարզը սահմանամերձ է Լեհաստանին և Լիտվային, որոնք դաշինքի անդամ են։
Ռուս զինվորականները հայտարարել են, որ «Կինժալը» կարող է ունենալ մինչև 2000 կիլոմետր հեռահարություն, իսկ հրթիռը կարող է թռչել ձայնի արագությունից տասը անգամ ավելի արագ, ինչը դժվարացնում է այն որսալը: Ռուսաստանն օգտագործել է այդ զինատեսակները՝ Ուկրաինայում մի քանի թիրախներ խոցելու համար։
Տաթև Ֆռանգյան
