09.10.2026 | 20:52
Էդուարդ Սպերցյանը գոլային փոխանցում է կատարել «Ալ Ահլիի» կազմում. ՏԵՍԱՆՅՈՒԹ
Զապորոժիեի ատոմակայանի գոտին պետք է ապառազմականացվի․ Գուտերեշ
Քաղաքականություն
19.08.2022 | 10:59
ՄԱԿ-ի գլխավոր քարտուղար Անտոնիո Գուտերեշը հինգշաբթի Լվովում հայտարարել է, որ լրջորեն անհանգստացած է Եվրոպայի ամենամեծ՝ Զապորոժիեի ատոմակայանում ստեղծված իրավիճակով, քանի որ այն կրակի տակ է ընկել Ուկրաինայի ճակատային գծում, գրում է VOA-ն:
Ուկրաինայի նախագահ Վլադիմիր Զելենսկու հետ բանակցություններից հետո Գուտերեշը լրագրողներին ասել է, որ «ռազմական տեխնիկան և անձնակազմը պետք է դուրս բերվեն ատոմակայանի տարածքից։ Նրա կարծիքով՝ օբյեկտը չպետք է օգտագործվի որպես ռազմական գործողության մաս, փոխարենը «շտապ անհրաժեշտ է համաձայնություն Զապորոժիեի զուտ քաղաքացիական ենթակառուցվածքը վերականգնելու և տարածքի անվտանգությունն ապահովելու համար»։
Մոսկվան ավելի վաղ մերժել էր Զապորոժիեի ատոմակայանի շուրջ ապառազմականացված գոտի ստեղծելու մասին միջազգային կոչերը, որը մինչ այժմ ղեկավարում են ուկրաինացի ինժեներները՝ ռուսական օկուպացիայի տակ: Մոսկվան նման կոչերն անվանել է «անընդունելի»։
Գուտերեշը լրագրողների հետ զրույցում նաև նշել է, որ ՄԱԿ-ը կարող է ապահովել Զապորոժիեի ատոմակայան ՄԱԳԱՏԷ-ի պատվիրակության այցի նյութատեխնիկական մասը և անվտանգությունը, եթե Ռուսաստանն ու Ուկրաինան համաձայնեն դրան։
Զելենսկին Գուտերեշի հետ հանդիպումից հետո ասել է, որ իր հետ համաձայնեցվել են Զապորոժիեի ատոմակայանում ՄԱԳԱՏԷ-ի հնարավոր առաքելության չափանիշները։
Տաթև Ֆռանգյան
