07.06.2026 | 23:59
Իրակլի Կոբախիձեն շնորհավորել է Նիկոլ Փաշինյանին ընտրություններում հաջողության կապակցությամբ
Կայացել է Զելենսկի-Էրդողան-Գուտերեշ եռակողմ հանդիպումը
Քաղաքականություն
18.08.2022 | 21:16
Թուրքիայի նախագահ Ռեջեփ Թայիփ Էրդողանը հայտարարել է, որ Վլադիմիր Զելենսկու և ՄԱԿ-ի գլխավոր քարտուղար Անտոնիո Գուտերեշի հետ հանդիպմանը քննարկել է Ուկրաինայում խաղաղության հաստատման հնարավորությունը։ Այս մասին հայտնում է «ՌԻԱ Նովոստի»-ն։
Նշվում է, որ ըստ թուրքական հեռուստատեսության՝ Էրդողանը Լվով կատարած այցի ընթացքում Զելենսկիին առաջարկելու է հանդիպում կազմակերպել ՌԴ նախագահ Վլադիմիր Պուտինի հետ։ Թուրքական մեկ այլ հեռուստաալիք՝ CNN Turk-ը, վկայակոչելով իր աղբյուրներին, հաղորդում է, որ Պուտինն ու Զելենսկին կարող են հանդիպել Ուկրաինայի «ճանապարհային քարտեզը» որոշելու համար։
«Եռակողմ հանդիպման ընթացքում մենք քննարկել ենք նաև Ստամբուլի համաձայնագրով (հացահատիկի արտահանման մասին) ստեղծված դրական մթնոլորտը մշտական խաղաղության վերածելու հնարավորությունները»,- ասել է Էրդողանը մամուլի ասուլիսում։
