16.09.2026 | 12:19
ԱՄՆ Ներկայացուցիչների պալատը երրորդ անգամ Իրանի պատերազմը դադարեցնելու օգտին է քվեարկել
Սերբիայի և Կոսովոյի ղեկավարները չեն կարողացել համաձայնության գալ Բրյուսելում բանակցությունների ժամանակ
Քաղաքականություն
18.08.2022 | 21:09
Սերբիայի նախագահ Ալեքսանդր Վուչիչը և Կոսովոյի վարչապետ Ալբին Կուրտին Բրյուսելում կայացած երկխոսության ընթացքում չեն կարողացել համաձայնության գալ կարգավորման շուրջ, սակայն պայմանավորվել են շարունակել քննարկումներն առաջիկա օրերին։ Բանակցություններից հետո այս մասին ասել է եվրոպական դիվանագիտության ղեկավար Ժոսեպ Բորելը, փոխանցում է ՌԻԱ Նովոստին։
«Մենք դեռ համաձայնության չենք հասել, բայց սա դեռ պատմության ավարտը չէ: Երկու ղեկավարներն էլ համաձայնել են երկխոսությունը շարունակելու անհրաժեշտության հարցում, բանակցությունները կվերսկսվեն առաջիկա օրերին: Քանի դեռ ժամանակ կա մինչև սեպտեմբերի 1-ը, ես չեմ հանձնվում»,- նշել է նա։
Բորելի խոսքով՝ Բելգրադի և Պրիշտինայի միջև տարաձայնությունները պահպանվում են, սակայն երկու առաջնորդներն էլ գիտակցում են, որ երկխոսությունն այլընտրանք չունի:
«Առաջնորդների միջև առկա են տարաձայնություններ այն հարցում, թե ինչպիսին պետք է լինի Սերբիայի և Կոսովոյի միջև հարաբերությունների վերջնական կարգավիճակը, սակայն նրանք համաձայն են մոտ ապագայում կանոնավոր կերպով շարունակել բանակցությունները՝ արագացնելու հարաբերությունների կարգավորման գործընթացը», – պարզաբանել է նա։
Նշենք, որ Կոսովոյի շուրջ իրադրությունը սրվել է՝ օգոստոսի 1-ից սերբական համարանիշերով և փաստաթղթերով ավտոմեքենաների մուտքը տարածաշրջան արգելելու՝ Պրիշտինայի ծրագրերի պատճառով։ Կոսովոյի հյուսիսում, որտեղ բազմաթիվ սերբեր են ապրում, անկարգություններ են սկսվել, ինչին ի պատասխան՝ Կոսովոյի իշխանությունները ոստիկանական ուժեր են ուղարկել այնտեղ։ Սակայն ԱՄՆ-ի խնդրանքից հետո Կոսովոյի իշխանությունները մեկ ամսով հետաձգել են արգելքի ուժի մեջ մտնելը:
