28.06.2026 | 08:39
Բասկետբոլի Հայաստանի հավաքականը հաղթեց Իռլանդիային. ՏԵՍԱՆՅՈՒԹ
Խառնաշփոթ եղել է դեպքից հետո մի քանի ժամվա ընթացքում․ Կոստանյան․ ՏԵՍԱՆՅՈւԹ
Հասարակություն
18.08.2022 | 18:35
«Սուրմալու» առևտրի կենտրոնում տեղի ունեցած պայթյունի առաջին օրը տուժել են փրկարարներ. հրշեջ փրկարարներից մեկը ծխահարվել է, մյուսի ոտքն է վնասվել: Այս մասին լրագրողներին հետ զրույցում հայտնեց ՀՀ ԱԻ նախարարի խոսնակ Հայկ Կոստանյանը՝ հավելելով, որ նրանք ապաքինվել են և վերադարձել աշխատանքի:
«Այս հինգ օրերի ընթացքում աշխատանքներին ներգրավված է եղել 1061 հրշեջ փրկարար: ԱԻՆ աշխատակիցները ահազանգ ստանալուց 7 րոպե հետո եղել են դեպքի վայրում և իրականացրել են որոնողափրկարարական աշխատանքներ: ԱԻՆ աշխատակիցներն իրենց գործառույթներն իրականացրել են պատշաճ մակարդակով»,- վստահեցրեց ԱԻՆ խոսնակը՝ հավելելով, որ ԱԻՆ շտաբի կողմից որոշում է կայացվել ընդունել կամավորների մեկնած ձեռքը և նրանց ներգրավել որոնողափրկարարական աշխատանքներում, ինչը, սակայն, կապված չի եղել մարդուժի պակասի հետ:
ԱԻՆ խոսքով՝ խառնաշփոթ եղել է դեպքից հետո մի քանի ժամվա ընթացքում, քանի որ տարածքում գտնվող գրեթ բոլոր մարդիկ փորձել են ինչ-որ չափով աջակցել, բայց դա չի խանգարել մեր փրկարարներին և հրշեջներին՝ ինտենսիվորեն իրականացնել թե՛ որոնողափրկարարական, թե՛ հրդեհաշիջման աշխատանքներ:
Մանրամասները՝ տեսանյութում:
