09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Գիշերը վտանգավոր էր որոնողական աշխատանք իրականացնել․ ԱԻՆ խոսնակ․ ՏԵՍԱՆՅՈւԹ
Հասարակություն
18.08.2022 | 18:16
«Սուրմալու» առևտրի կենտրոնում պայթյունի պահին ենթադրաբար գտնված քաղաքացու որոնումները դեռևս արդյունք չեն տվել։ Այս մասին ճեպազրույցում լրագրողներին հայտնեց ՀՀ ԱԻ նախարարի խոսնակ Հայկ Կոստանյանը։
«Առավոտից այդ վայրում աշխատում են ԱԻՆ փրկարար ծառայության հատուկ նշանակության փրկարարական կենտրոնի աշխատակիցները, ովքեր մասնագիտացած են նման դեպքերում արձագանքելու, նաև մասնագիտական որոշ հմտություններ ունեն։ Աշխատանքները կշարունակվեն մինչև քաղաքացուն գտնելը»,– ասաց նա։
Կոստանյանը հայտնեց, որ գիշերը որոնողական աշխատանքները դադարեցվելու են` առավոտյան վերսկսելու պայմանով։
Պատճառը գիշերը որոնողական աշխատանք իրականացնելու վտանգավորությունն է` կախված կիսավեր շենքի փլուզման վտանգի հետ։
Հիշեցնենք, որ երեկ երեկոյան ԱԻՆ-ը որոշում կայացրեց դադարեցնել որոնողափրկարարական աշխատանքները «Սուրմալու» առևտրի կենտրոնի տարածքում, որոնք այսօր՝ օգոստոսի 18-ին, ժամը 08։20-ին վերսկսվել են։
Մանրամասները՝ տեսանյութում:
