28.06.2026 | 13:32
Արման Եղոյանը և Արուսյակ Ջուլհակյանը ԱԺ փոխնախագահ դառնալու ցանկություն ունեն. առայժմ հայտնի է 4 թեկնածուի մասին
ԵՄ Թվիննինգ ծրագրի պաշտոնական մեկնարկից առաջ նախանշվել են որոշ ուղղություններ
18.08.2022 | 20:58
«Հայաստանում բարեվարքության խթանում և հանրային ոլորտում կոռուպցիայի կանխարգելում» ԵՄ Թվիննինգ ծրագրի շրջանակում օգոստոսի 16-18-ին Կոռուպցիայի կանխարգելման հանձնաժողովի՝ ծրագրի բաղադրիչների պատասխանատու աշխատակիցների և Թվիննինգի փորձագետների մասնակցությամբ տեղի է ունեցել աշխատանքային քննարկում։ Քննարկմանը մասնակցել են նաև Հանձնաժողովի միջազգային գործընկերներից ԱՄՆ ՄԶԳ «Հայաստանի բարեվարքություն» ծրագրի և Երևանում Եվրոպայի խորհրդի գրասենյակի ներկայացուցիչները։ Այս մասին տեղեկացնում է Կոռուպցիայի կանխարգելման հանձնաժողովը։
Փորձագետ Հոլգեր-Մայքլ Արնդտի հետ նախանշվել են այն առաջնահերթությունները, որոնց ուղղությամբ պետք է իրականացվեն գործողություններ՝ զարգացնելով Կոռուպցիայի կանխարգելման հանձնաժողովի ինստիտուցիոնալ կարողությունները՝ միտված Հայաստանում հակակոռուպցիոն (բարեվարքության) կրթական և հանրային իրազեկման ծրագրերի մշակմանն ու իրականացմանը։
