17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
ՌԴ ՊՆ-ն չի բացառել Զապորոժիեի ատոմակայանի աշխատանքի դադարեցումը
Քաղաքականություն
18.08.2022 | 17:14
ՌԴ Պաշտպանության նախարարությունը հնարավոր է համարել Զապորոժիեի ատոմակայանի աշխատանքի դադարեցումը։ Այս մասին հայտարարել է ռադիացիոն, քիմիական և կենսաբանական պաշտպանության ռուսական զորքերի ղեկավար Իգոր Կիրիլովը։
«Եթե Ուկրաինայի կողմից ատոմակայանի գնդակոծման հետ կապված իրավիճակի բացասական զարգացումը շարունակվի, ապա կարող է քննարկվել հինգերորդ և վեցերորդ էներգաբլոկները «սառը պահեստային» փուլ մտցնելու հարցը, ինչը կհանգեցնի Զապորոժիեի ատոմակայանի աշխատանքի դադարեցմանը»,- ասել է Կիրիլովը։
ՌԴ ՊՆ ներկայացուցիչը կրկին մեղադրել է Ուկրաինային ատոմակայանը գնդակոծելու և կայանում «տեխնածին աղետի սադրանք կազմակերպելու» մեջ։
Ուկրաինան հերքում է ռուսական կողմի մեղադրանքները և պնդում, որ Ռուսաստանն ատոմակայանում ստեղծված իրավիճակն օգտագործում է «միջուկային շանտաժի» համար և գնդակոծում է այն՝ ուկրաինական շրջանների էներգամատակարարումը դադարեցնելու համար։
Տաթև Ֆռանգյան
