Հրավառության նյութերի հետ կապված հանձնարարականներ եմ տվել․ Փաշինյան․ ՏԵՍԱՆՅՈՒԹ

Փողոցային առևտուրը կարգավորելու նպատակով Կառավարությունը հավանություն տվեց «Վարչական իրավախախտումների վերաբերյալ ՀՀ օրենսգրքում փոփոխություններ և լրացումներ կատարելու մասին», ««Տեղական ինքնակառավարման մասին» օրենքում լրացում կատարելու մասին», ««Երևան քաղաքում տեղական ինքնակառավարման մասին» օրենքում լրացում կատարելու մասին», «Հայաստանի Հանրապետության քաղաքացիական օրենսգրքում լրացում կատարելու մասին» ՀՀ օրենքների նախագծերին:

Վարչապետը կարևոր համարեց ստանդարտներ սահմանելը: Նա նշեց, որ երբ աղետ է լինում, այն ժամանակ անդրադառնում են կոմպրոմիսներին: «2020 թվականի 44-օրյա պատերազմի հետ կապված իրավիճակներ ենք, չէ՞, քննում, Հետահայաց նայում ենք, և հարց է բարձրանում, թե ինչու են այդքան տարի այդ կոմպրոմիսների համաձայնել: Իմանալով, որ մեր բանակում ինչ պրոցեսներ, ինչ երևույթներ կան, ասել ենք՝ դե, բանակին բան չանենք, անվտանգության հարց է, և հետո այդ կոմպրոմիսը մեր գլխին պայթել է: Ամեն անգամ մեր կոմպրոմիսը մեր գլխին պայթել է»,- ասաց Փաշինյանը:

Վարչապետը նկատեց, որ կորոնավիրուսի համաճարակը տարածվել է կենդանիներից, և հիմա փողոցներում կենդանիներ են վաճառվում, և հետագայում կարող է համաճարակ բռնկվել. «Եկեք որոշենք, որ, ի վերջո, երկրում, ստանդարտներ են լինելու»:

Անդրադառնալով հրավառության նյութերի թեմային՝ վարչապետը նշեց, որ դրանց հետ կապված հանձնարարականներ է տվել։ «Այդ գաղափարը շուտ կար, բայց հայտնի իրադարձությունների պատճառով այդ որոշումը հետաձգվեց: Մենք պետք է հստակ որոշում կայացնենք, որ հրավտանգ նյութերի ներմուծումը, արտադրությունը և օգագործումը պետք է իրականացնեն միայն լիցենզավորված կազմակերպություններ, այսինքն՝ ազատ վաճառք չի լինելու:

Մանրամասները՝ տեսանյութում։