28.06.2026 | 08:39
Բասկետբոլի Հայաստանի հավաքականը հաղթեց Իռլանդիային. ՏԵՍԱՆՅՈՒԹ
Տաթև-Աղվանիի երրորդ շերտի համար 1 մլրդ 45 մլն դրամ է պետք. Գնել Սանոսյան․ ՏԵՍԱՆՅՈՒԹ
Քաղաքականություն
18.08.2022 | 13:08
Կառավարության որոշմամբ թույլատրվեց մեկ անձից գնման ընթացակարգով գնման գործընթաց կազմակերպել՝ Մ-2-Տաթև-Աղվանի-Մ2 ճանապարհի թողունակությունը բարձրացնելու և այդ ճանապարհով անխափան բեռնափոխադրում ապահովելու նպատակով: Կհատկացվի 1 միլիարդ 45 միլիոն դրամ:
«Խոսքը Տաթև-Աղվանի ճանապարհի 12 կմ հատվածի մասին է: Այնտեղ ավարտվել են առաջ եկած խնդիրների վերացման աշխատանքները: Քանի որ այս հատվածը դեռևս 2019 թվականին էր նախագծվել, պատերազմից առաջ շինարարությունը սկսվել էր, ու նախատեսված չէր, որ նման ծանրաբեռնվածության համար ծառայի, տարբեր խնդիրներ ի հայտ եկան:
Հիմա խնդիրները շտկված են, մենք պայմանագրում փոփոխություն ենք իրականացնում նույն շինարարի հետ, որպեսզի ևս մեկ շերտ այնտեղ ասֆալտապատենք, այսինքն՝ երրորդ շերտ տեղադրենք, որ ճանապարհը պատշաճ ծառայի մեր հայրենակիցներին»,- նշեց Տարածքային կառավարման և ենթակառուցվածքների նախարար Գնել Սանոսյանը:
«Այս ճանապարհը մի փոքր արտակարգ իրավիճակում շահագործման հանձնեցինք՝ կապված նախորդ տարվա նոյեմբեր-դեկտեմբերին Գորիս-Կապան ճանապարհին առաջացած իրավիճակի հետ»,- հիշեցրեց վարչապետ Նիկոլ Փաշինյանը:- Բայց այս տարի գարնանը տեսանք, որ այդ ճանապարհի վրա մեծ փոսեր են առաջացել: Պատճառը գիտենք, նախկինում ճանապարհը նախագծված էր որպես միջհամայնքային ճանապարհ»:
Մանրամասները՝ տեսանյութում։
