27.11.2024 | 10:33
Արմավիրի համայնքային ոստիկանները թմրանյութ պահելու և օգտագործելու դեպքեր են բացահայտել
«Սուրմալու» առևտրի կենտրոնի տնօրինությունը հայտարարություն է տարածել
Հասարակություն
17.08.2022 | 18:13
«Երևանի պահածոների գործարան» ՓԲԸ-ն («Սուրմալու» առևտրի կենտրոն) հայտարարություն է տարածել օգոստոսի 14-ին տեղի ունեցած պայթյունի վերաբերյալ։
«Երևանի պահածոների գործարան» ՓԲԸ («Սուրմալու» առևտրի կենտրոն)-ի տնօրինությունն ու ողջ անձնակազմը խորապես ցավակցում են 14.08.2022 թ. («Սուրմալու»առևտրի կենտրոն)-ի տարածքում տեղի ունեցած պայթյունի հետևանքով զոհված մեր հայրենակիցների հարազատներին՝ կիսելով այս ահռելի կորուստն ու անտանելի վիշտը:
Ցավով պետք է ընդունենք, որ իսկապես ողբերգություն է տեղի ունեցել, որի հանդեպ անտարբեր չի մնացել և ոչ մի գիտակից քաղաքացի: Բոլորս էլ դժվարին օրեր ենք ապրում և պարտավոր ենք հաղթահարել այս վիշտը՝ նեցուկ դառնալով մեկս մյուսին, աջակցենք և հնարավոր ամեն բան անենք, որ գոնե մի փոքր սփոփենք անմեղ զոհերի հարազատներին և տուժած հայրենակիցներին: Բոլոր զոհերին՝ երկնային խաղաղություն, իսկ տուժածներին սրտանց ցանկանում ենք շուտափույթ ապաքինում:
Խաղաղություն, համբերություն և ուժ բոլորիս»,- ասվում է հայտարարությունում։
