06.11.2024 | 17:39
Ներկայացվել են Հռոմի ստատուտի վավերացումից հետո քաղհասարակության հետ իրականացրած աշխատանքներում արձանագրված ձեռքբերումները
Հյուսիսային Կորեան երկու թևավոր հրթիռ է արձակել Դեղին ծովի ուղղությամբ
Քաղաքականություն
17.08.2022 | 14:20
Չորեքշաբթի գիշերը Փհենյանը երկու թևավոր հրթիռ է արձակել Դեղին ծովի ուղղությամբ՝ Փհենան-Նամդո նահանգի ափերի կողմը, հայտնել են Հարավային Կորեայի բանակից։
Զինվորականների տեղեկություններով՝ Ունչխոն բնակավայրի շրջանում հրթիռներն արձակվել են Փհենան-Նամդո նահանգում։ Հարավկորեացի զինվորականները ԱՄՆ-ի հետ համագործակցությամբ վերլուծում են բոլոր հավելյալ տվյալներն ու պաշտպանական պատրաստի վիճակում են գտնվում։
Սա հյուսիսկորեական թևավոր հրթիռների երկրորդ արձակումն է, որի մասին հայտնի է դարձել այս տարի։ Որպես կանոն՝ հարավկորեացի զինվորականները առանձին չեն հաղորդում Հյուսիսային Կորեայի թևավոր հրթիռների արձակման մասին։ Տեղեկատվությունը հրապարակվում է միայն այն ժամանակ, երբ տեղական լրատվամիջոցներն տեղեկանում են արձակումների մասին իրենց իրազեկողներից և հարցում անում։
Թևավոր հրթիռների արձակումը ՄԱԿ-ի Անվտանգության խորհրդի բանաձևերի խախտում չի հանդիսանում։
Տաթև Ֆռանգյան
