17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ռուսաստանում վայրէջքի ժամանակ ինքնաթիռի թևը կոտրվել է
Քաղաքականություն
17.08.2022 | 12:53
Իրկուտսկի շրջանի Ուստ-Կուտ օդանավակայանում վայրէջք կատարելիս Angara An-24 ինքնաթիռը կոտրվել է։ Այս մասին չորեքշաբթի՝ օգոստոսի 17-ին, հայտնել է Արևելյան Սիբիրի տրանսպորտային դատախազությունը։
«Նախնական տեղեկություններով՝ ինքնաթիռի վայրէջքի ժամանակ բարդ օդերևութաբանական պայմաններում ինքնաթիռը դուրս է եկել թռիչքուղուց, արդյունքում տեղի է ունեցել առջևի շասիի կոտրում ու վնասվել է թևը։ Օդանավում եղել է անձնակազմի 4 անդամ և 44 ուղևոր, տուժածներ չկան»,- ասվում է հաղորդագրության մեջ։
Դատախազությունը կազմակերպել է օդանավերի թռիչքների անվտանգության ապահովման և ուղևորների իրավունքների պաշտպանության պահանջների պահպանման աուդիտ։
Տաթև Ֆռանգյան
