22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
Ղրիմի կամուրջն Ուկրաինայի օրինական ռազմական թիրախն է. Պոդոլյակ
Քաղաքականություն
17.08.2022 | 11:44
Ուկրաինան Ղրիմի կամուրջը, որը կապում է թերակղզին Ռուսաստանի Դաշնության ցամաքի հետ, համարում է որպես օրինական ռազմական թիրախ։ Այս մասին հայտարարել է Ուկրաինայի նախագահի աշխատակազմի ղեկավարի խորհրդական Միխայիլ Պոդոլյակը The Guardian-ին տված հարցազրույցում:
Նա նշել է, որ Ուկրաինան հակահարձակում է իրականացնում՝ ուղղված «ռուսական ուժերի ներսում քաոս» ստեղծելուն։
«Մեր ռազմավարությունն է՝ ոչնչացնել նյութատեխնիկական ապահովումը, մատակարարման գծերը, զինամթերքի պահեստները և այլ ռազմական ենթակառուցվածքները: Սա քաոս է ստեղծում սեփական ուժերում»,- ասել է Զելենսկու խորհրդականը:
Առաջիկա մի քանի ամիսների ընթացքում կարող են լինել ավելի շատ հարձակումներ, նշել է նա, ինչպես առեղծվածային հարվածները երկաթուղային հանգույցին և Ղրիմում գտնվող ավիաբազային, այնպես էլ հարվածներ ռուսական ռազմական ինքնաթիռներին Սակիի օդանավակայանում:
Ըստ The Guardian-ի՝ նա նաև հասկացրել է, որ Ուկրաինան Ղրիմի կամուրջը համարում է «որպես օրինական ռազմական թիրախ»:
«Սա ապօրինի շինարարություն է և Ղրիմում ռուսական բանակի մատակարարումների հիմնական դարպասը: Նման օբյեկտները պետք է ոչնչացվեն»,- շեշտել է Պոդոլյակը։
Տաթև Ֆռանգյան
