16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Հայ բռնցքամարտիկը նոկաուտով հաղթել է թուրք մարզիկին ու դուրս եկել կիսաեզրափակիչ
17.08.2022 | 10:37
Էրզրումում ընթացող Եվրոպայի պատանեկան առաջնության 1/4 եզրափակիչում 75 կգ քաշային Հայկ Ղահրամանյանը տպավորիչ հաղթանակ է տոնել թուրք Բատու Բասի նկատմամբ։
«Լինելով ավելի բարձրահասակ՝ մեր մարզիկը շատ գրագետ օգտագործեց իր ֆիզիկական տվյալները։ Առաջին ռաունդում մենք հաղթեցինք 4:1 հաշվով։ 2-րդ ռաունդում մեր մարզիկը ավելացրեց ճնշումը և ռաունդը հաղթեց 5։0 հաշվով։ 3-րդ ռաունդը բավականին հախուռն ստացվեց։ Թուրք բռնցքամարտիկը նետվեց մենամարտը փրկելու, իսկ մրցավարը անհարկի նկատողություն տվեց Ղահրամանյանին։ Սակայն վայրկյաններ անց հայ բռնցքամարտիկի աջ կողային հարվածը տապալում է թուրք մրցակցին և մրցավարը հաշիվ է բացում ու դադարեցնում մենամարտը։
Մրցավարի որոշումը զայրացնում է թուրք մարզիչներին ու ֆեդերացիայի ներկայացուցիչներին, որոնք փորձում էին հաշվեհարդար տեսնել մրցավարական անձնակազմից» ասված է Բռնցքամարտի ֆեդերացիայի տարածած հաղորդագրության մեջ։
Նշենք, որ կիսաեզրափակիչ դուրս գալով Հայկ Ղահրամանյանը նույնպես ապահովեց մեդալ։
