17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ուզում ենք մտնել փլուզված շենք. մաքրման աշխատանքների շուրջ 70%-ն արվել է. ԱԻ փոխնախարար․ ՏԵՍԱՆՅՈՒԹ
Հասարակություն
17.08.2022 | 11:00
Որոնողափրկարարական աշխատանքներ են իրականացվել ամբողջ գիշեր, հիմա էլ շարունակվում են: Այս մասին այսօր լրագրողների հետ ճեպազրույցում նշեց ԱԻՆ փոխնախարար Արտյուշ Գրիգորյանը։
Փոխնախարարի խոսքով՝ որոնվում է երկու անհետ կորած քաղաքացի, 16 զոհված քաղաքացիներից մեկի անձը նույնականացված չէ:
«Ունենք տեղեկություններ, որ անհետ կորած քաղաքացիներից մեկը պայթյունի պահին գտնվել է շենքի առաջին հարկի մուտքի մոտ։
Այս պահին որոնողափրկարարական աշխատանքներ են իրականացվելու շենքի ներսում և շինությանը շատ մոտ տարածքներում, որը լրացուցիչ բարդություններ է առաջացնում։ Շենքի փլուզման վտանգ կա, շենքի անմիջական հարևանությամբ կան փլատակներ և որոնողական աշխատանքները իրականացվելու են փլատակներում և շրջակայքում։
Նախարարության սեյսմիկ ծառայությունից մասնագետներ ենք հրավիրել, խորհրդատվություն ենք իրականացնում, որպեսզի հավելյալ վնասներ չպատճառենք, և մեր մասնագետները չտուժեն որևէ կերպ»,- նշեց փոխնախարարը։
Գրիգորյանի հավաստմամբ՝ փլատակների մաքրման աշխատանքների մոտ 70 տոկոսն իրականացվել է:
Մանրամասները՝ տեսանյութում։
