28.06.2026 | 10:49
Վթարային ջրանջատում Երևանի Էրեբունիում և Մրգաշենում
Անկեղծ ցավակցություն եմ հայտնում մեր հայ ընկերներին. Ղարիբաշվիլի
16.08.2022 | 16:34
Վրաստանի վարչապետ Իրակլի Ղարիբաշվիլին արձագանքել է Հայաստանի Հանրապետության մայրաքաղաք Երևանում տեղի ունեցած պայթյունին:
Aliq Media-ի հաղորդմամբ՝ Ղարիբաշվիլին իր անկեղծ ցավակցությունն է հայտնել հայ ընկերներին այս վշտի պահին։
«Խորապես վշտացած եմ Հայաստանի մայրաքաղաքի առևտրի կենտրոնի պահեստում տեղի ունեցած պայթյունի համար, որի հետևանքով մարդիկ անհետ կորել և վիրավորվել են: Մեր մտքերն ու աղոթքները այս ողբերգության մեջ հանգուցյալների ընտանիքների և սիրելիների հետ են»,- իր թվիթերյան միկրոբլոգում գրել է Ղարիբաշվիլին:
Հիշեցնենք, որ Երևանի «Սուրմալու» առևտրի կենտրոնում պայթյունը տեղի է ունեցել կիրակի օրը՝ օգոստոսի 14-ին, ժամը 13:23-ին. պիրոտեխնիկայի պահեստում հրդեհ է բռնկվել, որից հետո պայթյուն է որոտացել:
