15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Հացահատիկ տեղափոխելու համար Ուկրաինայի նավահանգիստներ է ուղևորվում 6 նավ
Քաղաքականություն
15.08.2022 | 16:41
Առաջիկայում ուկրաինական նավահանգիստներ կժամանեն գյուղատնտեսական արտադրանք տեղափոխող 6 նավ, հայտնում է VOA-ն։
ՄԱԿ-ի «Սևծովյան հացահատիկի նախաձեռնության» ներքո գործող Համատեղ համակարգող կենտրոնը թույլ է տվել ստուգման համար ժամանած վեց նավերի անցնել Սև ծովի ծովային մարդասիրական միջանցքով:
Այսպիսով, MV Kafkam Etler և MV Zelek Star նավերն արդեն ստուգվել են և կարող են մեկնել Չեռնոմորսկ։ Վաղը կստուգվեն MV Great Arsenal, MV Zumrut Ana, MV Ocean S, MV Kubrosliy, որոնք նույնպես այնուհետ կմեկնեն Չեռնոմորսկ։
Բացի այդ, MV Star Laura և MV Rahmi Yagci նավերը ստուգումներ են անցել հանգստյան օրերին: Համատեղ համակարգման կենտրոնի մասնակիցները վստահեցնում են, որ ուշադիր հետևելու են ծովային հումանիտար միջանցքով ուկրաինական հացահատիկով նավերի անցմանը։
Հիշեցնենք, որ օգոստոսի 13-ին հացահատիկով բեռնված ևս երկու նավ լքել է Չեռնոմորսկի նավահանգիստը։ Իսկ այսօր երկու նավ բեռնման համար մտել է Օդեսայի նավահանգիստ։
Տաթև Ֆռանգյան
