09.06.2026 | 00:17
Մարկո Ռուբիոն շնորհավորել է Փաշինյանին
ՃՏՊ Եղվարդի խճուղում. բախվել են «Nissan Skyline»-ն ու «Opel Astra G»-ն
18.05.2018 | 16:15
Մայիսի 18-ին` ժամը 13:13-ին, «911» ծառայությանն ահազանգ է ստացվել, որ Երևան քաղաքի Եղվարդի խճուղում՝ «Ադորա» ռեստորանային համալիրի մոտակայքում, տեղի է ունեցել ՃՏՊ. կան տուժածներ: Անհրաժեշտ է փրկարարների օգնությունը:
Ինչպես տեղեկացնում է ՀՀ ԱԻՆ-ը, դեպքի վայր են մեկնել ՀՀ ԱԻՆ ՓԾ հրշեջ-փրկարարական ջոկատից մեկ մարտական հաշվարկ և ՀՀ ԱԻՆ ՓԾ Ճգնաժամային կառավարման ազգային կենտրոնի օպերատիվ խումբը:
Պարզվել է, որ բախվել են «Nissan Skyline» (վարորդը՝ Բ. Ե., 1990 թ.) և «Opel Astra G» (վարորդը՝ Հ. Հ., 1987 թ.) մակնիշների ավտոմեքենաները, ինչի հետևանքով «Opel Astra G» մակնիշի ավտոմեքենան գլխիվայր շրջվել է:
Բախման հետևանքով ավտոմեքենաների վարորդները ստացել են տարբեր բնույթի վնասվածքներ: Վերջիններիս շտապօգնության աշխատակիցները տեղում ցուցաբերել են առաջին բուժօգնություն: Հոսպիտալացման կարիք չի առաջացել:
Փրկարարները հոսանքազրկել են ավտոմեքենաները, փակել գազի բալոնների փականները, կատարել ճանապարհի լվացման աշխատանքներ և սահմանազատել տարածքը:
