Քաղաքականություն
12.08.2022 | 22:10
ԱՄՆ-ի օդադեսանտային ստորաբաժանման զորքերը մեկնում են Եվրոպա՝ օգնելու պաշտպանել ՆԱՏՕ-ի արևելյան թևը այն բանից հետո, երբ Կրեմլը հայտարարեց, որ Ռուսաստաննն Ուկրաինայում պատերազմում է ռազմական դաշինքի հետ:
«Ճչացող արծիվներ» մականունով 101-րդ օդադեսանտային դիվիզիայի զինվորների տեղակայման մասին հայտարարել է ՆԱՏՕ-ում ԱՄՆ առաքելությունը։
Զեկույցում ասվում է, որ մոտ 2400 զինծառայողներ կտեղակայվեն ՆԱՏՕ-ի անդամ երկրներում՝ Ռումինիայում, Բուլղարիայում, Հունգարիայում և Սլովակիայում՝ «մեր դաշնակիցներին հանգստացնելու և մեր հակառակորդներին զսպելու համար»:
ՆԱՏՕ-ի աճող ներկայությունը Եվրոպայում գալիս է այն մտավախությունների ֆոնին, որ Ռուսաստանի պատերազմը կարող է տարածվել Ուկրաինայի սահմաններից դուրս՝ պոտենցիալ կերպով հանգեցնելով ՆԱՏՕ-ի 30 երկրների դաշինքի և Ռուսաստանի նախագահ Վլադիմիր Պուտինի ուժերի միջև ավելի մեծ առճակատման:
Ավելի վաղ ՌԴ նախագահի աշխատակազմի ղեկավարի առաջին տեղակալ Սերգեյ Կիրիենկոն կարծիք էր հայտնել, որ ՆԱՏՕ-ն իրականում պատերազմի մեջ է Ռուսաստանի հետ։
«Մենք շատ լավ հասկանում ենք, որ Ուկրաինայի տարածքում մենք չենք պատերազմում Ուկրաինայի և, իհարկե, ոչ էլ ուկրաինացիների հետ։ ՆԱՏՕ-ի ողջ դաշինքը պատերազմի մեջ է Ռուսաստանի հետ՝ պարզապես Ուկրաինայի տարածքում և ուկրաինացիների ձեռքով»,- ասել է Կիրիենկոն։
ԱՄՆ-ը և ՆԱՏՕ-ի այլ երկրներ զենք և այլ օգնություն են տրամադրում Ուկրաինային՝ ռուսական ագրեսիան հետ մղելու համար։ Սակայն նրանք բազմիցս հերքել են ուկրաինական մարտերին ՆԱՏՕ-ի զորքերի մասնակցությունը։
Տաթև Ֆռանգյան
