16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Ուկրաինան ԱՄՆ-ից խնդրում է HIMARS-ի համար զինամթերք, հաուբիցներ և ԱԹՍ-ներ
Քաղաքականություն
12.08.2022 | 17:14
Ուկրաինան ԱՄՆ Պաշտպանության նախարարությանը խնդրել է ապահովել ամերիկյան HIMARS բազմակի հրթիռային համակարգերի զինամթերքի մատակարարումը, ինչպես նաև արդեն իսկ մատակարարված M777-ից զատ՝ հաուբիցների այլ տեսակներ։ Այս մասին ԱՄՆ-ում Ուկրաինայի դեսպան Օքսանա Մարկարովոն ասել է Bloomberg-ին տված հարցազրույցում, գրում է ՏԱՍՍ-ը։
Նա նշել է, որ HIMARS-ն արդեն վճռորոշ նշանակություն է ունեցել մարտերում։ Չնայած երկիրը ստացել է նման շատ համակարգեր, անհրաժեշտ է ավելի շատ հեռահար սպառազինություն։
«Այն պատճառով չէ, որ մենք պետք է գնդակոծենք Ռուսաստանի տարածքը, այլ պարզապես նրա համար, որ մեզ պետք է հասնել մեր տարածքի ցանկացած կետի»,- ասել է դեսպանը։
Ըստ դիվանագետի՝ Պենտագոնում պաշտոնյաները գիտեն՝ «ինչ և ինչի համար է պետք Ուկրաինային»։
Բացի զինամթերքից և հաուբիցներից՝ Կիևը ցանկանում է ձեռք բերել ավելի շատ անօդաչու թռչող սարքեր՝ ոչ միայն թուրքական Bayraktar, այլև ամերիկյան Switchblade, Puma և Phoenix Ghost մարտական անօդաչու թռչող սարքեր։
«Կան նաև այլ ուժեր ու միջոցներ։ Չկա որևէ միջոց, որին մենք ասենք՝ ոչ»,- ասել է Ուկրաինայի դեսպանը։
Էմմա Չոբանյան
