09.10.2026 | 22:14
Հայաստանի մի շարք հասցեներում էլեկտրաէներգիայի անջատումներ կլինեն
Ջո Բայդենը ծրագրում է հայտարարել երկրորդ ժամկետով առաջադրվելու մտադրության մասին․ Bloomberg
Քաղաքականություն
12.08.2022 | 13:18
ԱՄՆ նախագահ Ջո Բայդենը ծրագրում է հայտարարել երկրորդ ժամկետով առաջադրվելու մտադրության մասին Կոնգրեսի միջանկյալ ընտրություններից հետո, որոնք կանցկացվեն նոյեմբերին։ Այս մասին հայտնում է Bloomberg-ը՝ հղում անելով ամերիկացի առաջնորդին մոտ կանգնած աղբյուրներին։
Թե կոնկրետ երբ ԱՄՆ նախագահը կարող է հայտարարել իր ծրագրերի մասին, դեռ հայտնի չէ, սակայն պարզ է, որ նա վճռական է տրամադրված։ Գործակալությունը նշում է, որ նրան խրախուսում են տնտեսական քաղաքականության վերջին շաբաթների հաջողությունները՝ գնաճի դադարեցումը և բենզինի գների նվազումը, ինչպես նաև Կոնգրեսի աջակցությունը Սպիտակ տան մի շարք օրենսդրական նախաձեռնություններին։
Ըստ Bloomberg-ի աղբյուրների՝ Բայդենը կարծում է, որ 2020 թվականին իրեն առաջադրել են որպես Դեմոկրատական կուսակցության նախագահի թեկնածու, քանի որ ուներ Դոնալդ Թրամփին հաղթելու ամենաբարձր հնարավորությունները, և երկու տարի հետո իրավիճակը կարող է կրկնվել։
Հասարակական կարծիքի մի շարք հարցումներ ցույց են տալիս, որ հաշվի առնելով Բայդենի և Թրամփի միջև ընտրությունը՝ ամերիկացիների մեծամասնությունը կնախընտրեր առաջին տարբերակը։
Ավելի վաղ էլ Թրամփի շրջապատի աղբյուրները հայտնել են, որ նա արդեն աշնանը կարող է հայտարարել պետության ղեկավարի պաշտոնի համար պայքարի մեջ մտնելու մտադրության մասին:
Տաթև Ֆռանգյան
