Քաղաքականություն
12.08.2022 | 12:16
Ուկրաինայի պաշտպանության նախարար Ալեքսեյ Ռեզնիկովը հայտնել է, որ Նորվեգիան միացել է Մեծ Բրիտանիայում ուկրաինացի զինվորականների պատրաստման ծրագրին։
«Նորվեգիան միանում է Մեծ Բրիտանիային, Նոր Զելանդիային, Կանադային, Ֆինլանդիային, Շվեդիային և Դանիային ռազմական պատրաստության ծրագրում: Մեզ պետք է, որ մեր զինվորները վերապատրաստվեն ամենաբարձր չափանիշներով»,- գրել է նախարարը Twitter-ում:
Հունիսին Մեծ Բրիտանիայի վարչապետ Բորիս Ջոնսոնը Կիև կատարած այցի ժամանակ հայտարարել էր ուկրաինացի զինվորականների համար լայնածավալ ուսումնական ծրագրի մեկնարկի մասին։ Ծրագիրը թույլ կտա չորս ամիսը մեկ վերապատրաստել մինչև 10.000 զինծառայողի, ինչը, ըստ կառավարության հայտարարության, կարող է հիմնովին փոխել ուժերի հավասարակշռությունը պատերազմում:
Տաթև Ֆռանգյան
