09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Ալեքսեյ Նավալնին դատական հայց է ներկայացրել Վլադիմիրի շրջանի թիվ 6 խիստ ռեժիմի գաղութի դեմ
Քաղաքականություն
11.08.2022 | 20:10
Ռուսաստանցի ընդդիմադիր գործիչ Ալեքսեյ Նավալնին դատական հայց է ներկայացրել Վլադիմիրի շրջանի Մելեխովո գյուղի թիվ 6 խիստ ռեժիմի գաղութի դեմ, որտեղ նա պատիժ էր կրում։ Հայցի պատճառ է դարձել գաղութի հրաժարումը՝ տեղեկություններ տրամադրել բանտարկյալների արտադրած ապրանքների պատվիրատուի մասին։ Իր Telegram ալիքում այս մասին հայտնել է Վլադիմիրի մարզի ընդհանուր իրավասության դատարանների միասնական մամուլի ծառայությունը, գրում է DW-ի ռուսական ծառայությունը։
Մամուլի ծառայության տվյալներով՝ գաղութի վարչակազմը հրաժարվել է տրամադրել այդ տեղեկատվությունը՝ «ուղղիչ հիմնարկներում իրենց ապրանքների արտադրության մասին տեղեկությունները տարածելու՝ հաճախորդների համաձայնության բացակայության պատճառով»։
Նավալնիի պաշտպանները կարծում են, որ օրենսդրությունը նման հիմք չի տալիս տեղեկատվություն տրամադրելուց հրաժարվելու համար, և որ մերժումն անօրինական է։
Նավալնին պատմել է, որ Մելեխովի գաղութում ստացել է դերձակի մասնագիտություն։
«Մենք ինչ-որ հիմար գոտիներ ենք կարում և, եթե անկեղծ, ես համոզված եմ, որ դրանք պարզապես անմիջապես նետում են, իսկ այդ ամենը հորինված է, որպեսզի աշխատանքով ծանրաբեռնեն իմ «գաղութ գաղութի մեջ» արտադրական գոտին»,- Instagram-ի իր էջում հուլիսի կեսերին գրել էր քաղաքական գործիչը։
