09.10.2026 | 17:55
Հրազդանում ԸԸՀ քարտուղարը քաշքշել և սպառնացել է դիտորդին․ «Ականատես»
Ուկրաինայի Նիկոպոլ քաղաքի վրա «Գրադ» տեսակի 120 հրթիռ է արձակվել
Քաղաքականություն
11.08.2022 | 16:29
ՌԴ Զինված ուժերի կողմից Նիկոպոլ քաղաքի գիշերային գնդակոծության հետևանքով երկու մարդ զոհվել է, ևս 7-ը՝ վիրավորվել, այդ թվում՝ 13-ամյա մի աղջիկ: Այս մասին հայտնել է Դնեպրոպետրովսկի շրջանային ռազմական վարչակազմի ղեկավար Վալենտին Ռեզնիչենկոն, գրում է korrespondent-ը։
Ողջ գիշեր ռուսական բանակը գրոհել է մարզի 4 շրջանների ուղղությամբ։ Նիկոպոլի շրջանը երեք անգամ «Գրադից» գրոհի է ենթարկվել, քաղաքում 120 հրթիռի ռմբակոծում են գրանցել։
«Նիկոպոլում երկու մարդ զոհվել է, 7-ը՝ վիրավորվել։ Վիրավորների թվում 13-ամյա աղջիկ է։ Քաղաքում վնասվել է ավելի քան 40 բարձրահարկ, 5 բնակարան ավերվել է։ Փրկարարները մաքրում են փլատակները, մարդկանց փնտրում»,- ասել է պաշտպանական շրջանի ղեկավարը։
Նիկոպոլում գիշերային հարձակումից հետո նաև վնասվել են երեք դպրոց, մի քանի խանութ, ավտոտնակներ և ավտոմեքենաներ։ Էլեկտրահաղորդման գիծը խափանվել է, արդյունքում 6000-ից ավելի նիկոպոլցիներ մնացել են առանց էլեկտրականության։
Կրասնոգրիգորևսկ համայնքում նույնպես գիշերային հրետակոծությունից հետո 14 տուն է ավերվել, վնասվել են նաև հիվանդանոց, խանութ և մարզադաշտ։ Առանց էլեկտրականության մինչև հազար մարդ է մնացել։
Կրիվոյ Ռոգի շրջանում Զելենոդոլսկ համայնքը ենթարկվել է ռուսական «Գրադի» ռմբակոծության։ Մի քանի հրդեհ է գրանցվել։
Տաթև Ֆռանգյան
